Tugtog ng Musika

T ok! Tok! Tok!

Sa tarankahan ay may kumakatok

Humihiyaw, nananangis.........

Nangangalabog at nangangalit

Waring hayop na mabangis

Ang kamalay ko ay nabuksan.

Ikaw ay nasumpungan.

Sa isang Kumpas ay buong pagkabigla,

Isip ko ay napanid at waring estranghero.....

Musika'y tumunog at ako'y nalibang

La la la la la la la la............

Lumakad, lumipas ang panahong matulin,

Tumakbo,lumundag nang pagkabilis-bilis

Kalooban ay nagkaisa, ramdam ko ang kaligayan

Bawat tugtog ninamnam at isa na puso

Sarap ng ating pinagsamahan

Tugutog! Tugutog! Tugutog

Nayanig, Nagimbal Natulala!

Sa bigla mong Paglisan

Tunog ay Kumalabog...,

Kaluluwa'y nabulabog...

Sa biglang paghinto

Ng musika sa aking puso,

Kasama at minamahal ko,

Kaibigan ko'y, sa 'kin ngayo'y malayo

Ang sakit na nararamdaman ko,

Ala na yatang lunas,

Sa pusong pighati at sakit,....

O Bakit Dyos ko?

Kasagutan ang nais ko..........